गरिब विपन्नको लागि १२ वटा घर बनाउँदै

न्यूज ब्यूरो, सिरहा । जनमत पार्टीका अध्यक्ष एवम् साँसद डा. सिके राउतले गरिब विपन्नको लागि जनता आवासबाट १२ वटा घर निर्माण गर्न शिलान्यास गरेका छन् ।

आईतबार सिरहाको कल्याणपुर नगरपालिका वडा नं. ५ चिकनाको मुसहर वस्तीमा प्रदेश सरकारबाट सँचालित जनता आवास कार्यक्रम अन्तर्गत जनमत पार्टीबाट साँसद भाग्यश्री चौधरीको विशेष पहलमा १२ वटा घर निर्माण गर्न लागिएको हो ।

एक कार्यक्रमबीच अध्यक्ष राउत र प्रदेश साँसद चौधरीले सँयुक्त रुपमा सो जनता आवासको शिलान्यास गरे । घर निर्माण गरी आगामी तीन महिनाभित्रै आवश्यक परिवारलाई हस्तान्तर गरिने जनाईएको छ ।