जनकपुरबाट बुद्ध एयरको ATR को दुई उडान नियमित भएपछि यात्रुलाई सहज

राहुल सिँह |
जनकपुरधाम, १६ जेठ । डोमेस्टिक हवाई यात्रामा विश्वाशिलो र सुविधायुक्त मानिएको बुद्ध एयरले जनकपुरबाट अब दैनिक दुई उडान भर्ने गरेको छ ।

एयरको ATR को दुई उडान दैनिक रुपमा भर्न थालेपछि यात्रुलाई सहज भएको छ भने हवाई टिकटको लागि समेत सहजता प्रदान भएको छ ।

यात्रुले टिकट सहज रुपमा पाउन सकोस् भन्ने उदेश्यले जनकपुरबाट काठमान्डौँको लागि बुद्ध एयरले ATR को दैनिक दुई वटा उडान भर्न थालेको छ ।

यसका साथै टिकटको सहजता र यात्रुलाई समेत थप सहजताको अभिप्रायले जनकपुरको ट्राभल एजेन्सीहरुसँग समेत समन्वय भईरहेको बुद्ध एयर जनकपुरका प्रबन्ध विजय प्रसाद सिँहले बताए ।

बुद्ध एयरको यो दैनिक उडानसँगै जनकपुरको पर्यटन प्रवद्र्धनमा समेत बढोत्तरी हुने विश्वास लिइएको छ ।