जानकी वृद्धाश्रमको ३ लाखको बिजुली बिल मिनाहा गर्न माग

न्यूज ब्यूरो |
जनकपुरधाम, १५ जेठ । जनकपुरको जानकी वृद्धाश्रमको विद्युतको ३ लाख रुपैयाँ बक्यौता मिनाहा गरिदिन प्रदेश सरकारसँग माग गरिएको छ ।

११ औँ गणतन्त्र दिवसको अवसरमा नेपाल विद्यार्थी सँघ (नेविसँघ) धनुषाले आयोजना गरेको एक कार्यक्रमबीच वृद्धाश्रमको बाँकी रहेको ३ लाख रुपैयाँ मिनाहा गरिदिन माग गरिएको हो ।

नेविसंघ धनुषाका अध्यक्ष सुजित मिश्र तथा प्रदेश नं. २ बाट प्रदेश सभा सदस्य सरस्वति चौधरीको प्रमुख आतिथ्यमा भएको एक कार्यक्रममा उक्त बक्यौता मिनाहा गरी वृद्धा आश्रमको उचीत व्यवस्थापन र सँचालनमा सुधारको लागि प्रदेश सरकारलाई ध्यानाकर्षण गराउने जनाइएको छ ।

कार्यक्रममा नेविसंघका केन्द्रीय सदस्य दिनेश साहको विशेष उपस्थिती रहेको थियो ।