धनुषामा सन नेपाल लाईफ एन्स्योरेन्सद्धारा सरकारी स्कूललाई आर्थिक सहयोग

न्यूज ब्यूरो, जनकपुरधाम । सन नेपाल लाइफ इन्स्योरेन्सले धनुषाको समुदायिक विद्यालयलाई आर्थिक सहयोग गरेको छ ।

ईन्स्योरेन्स कम्पनीले मधेश प्रदेशको मुखियापटी मुसहरनिया गाउँपालिकाको मुखियापटिट्स्थित रहेको राष्ट्रिय माविलाई ४० हजार रुपैयाँ सहयोग गरेको हो ।

सोही गाउँपालिकामा मँगलबार जीवन बीमासम्बन्धी अभिमुखीकरण कार्यक्रम गर्दै कम्पनीले समुदायिक विद्यालयलाई सो आर्थिक रकम सहयोग गरेको हो । कम्पनीले गाउँपालिकाका अध्यक्ष जय कुमार यादवको आतिथ्यमा अभिमुखीकरण कार्यक्रम गरेको हो।

कार्यक्रममा उक्त गाउँपालिकाकाका वडाध्यक्ष, स्थानीय र शिक्षकको सहभागिता थियो। सोही कार्यक्रममा कम्पनीले सामाजिक उत्तरदायित्वअन्तर्गत गरिब विद्यार्थीहरुलाई सहयोगस्वरुप श्री राष्ट्रिय माविलाई ४० हजार रुपैयाँ आर्थिक सहयोग प्रदान गरेको छ।

कार्यक्रममा स्थानीय, अभिकर्ता, जनप्रतिनिधि र कम्पनीका मधेश प्रदेश प्रमुख नबराज चौधरी, कर्पोरेट कार्यालयका प्रमुख निती अधिकृत दिव्यश झा र उपशाखा प्रमुख संजय कुमार मण्डल को उपस्थिति थियो।