बिकट क्षेत्र पूर्वी धनुषाको साघारामा पनि  NIC ASIA को ATM सँचालनमा

न्यूज ब्यूरो, जनकपुरधाम । धनुषा जिल्लाको विकट क्षेत्र मानिने पूर्वी धनुषाको कमला क्षेत्रस्थित एनआईसी एसिया बैँकको एटिएम सँचालनमा आएको छ ।

कमला नगरपालिका वडा नं. ४ साघारास्थित रहेको एनआईसी एसिया बैँकको साघारा शाखाले एटिएम सँचालनमा ल्याएको हो । एटिएम सँचालनमा आएपछि पूर्वी धनुषाका वासिन्दालाई सहज भएको छ ।

विकट क्षेत्र रहेको यस भेगमा बैँकसम्म असहज पहुँच भएको बेला एनआईसी एसिया बैँकले शाखा विस्तारसहित एटिएम सँचालनमा ल्याएको हो । एनआईसी एसिया बैँकको शाखा ३ बर्षदेखि सँचालनमा रहेको छ ।

पूर्वी धनुषामा कमला नगरपालिका, विदेह नगरपालिका, जनकनन्दिनी गाउँपालिकामध्ये कमला नगरपालिकाको साघारा चोकमा एटिएम सँचालन भएको हो । यसले कमला र जनकनन्दिनीका एटिएम प्रयोगकर्ता सेवाग्राहीलाई बैँकमा लाईन लाग्नुपर्ने अवस्था अन्त्य भएको बैँकका कर्मचारी मुकेश साहले बताए ।