बौद्धिक पेशाकर्मी महासँघले गौर राजनीतिक घटना र सरकारको भूमिका विषयक गोष्ठी गर्दै

न्यूज ब्यूरो, जनकपुरधाम । जनता समाजवादी पार्टी (जसपा) नेपाल निकट बौद्धिक पेशाकर्मी महासँघ नेपालले गौर राजनीतिक घटनाहरुहरुलाई समेटेर गोष्ठी अन्तरक्रिया गर्ने भएको छ ।

शनिबार दिउँसो १ः३० बजे काठमान्डौँस्थित एक होटेलमा महासँघले गौर राजनीतिक घटना र सरकारको भूमिका विषयक गोष्ठी आयोजना गरेको महासँघका सँयोजक ई. सीताराम शाहले जानकारी दिएको हो ।

विभिन्न समयमा भएको गौर–राजनीतिक घटनाको चित्रणसहित विचारविमर्स गर्नको लागि गोष्ठीको आयोजना गरिएको हो । सो गोष्ठीमा मधेशका जानकार, राजनीतिकर्मी, विद्यार्थीहरुलाई समेत सहभागीताको लागि आग्रह गरिएको हो ।