विद्यार्थीहरुबाट ब्याज उठाएको भन्दै विराटनगरको Eastern College मा तालाबन्दी

न्यूज ब्यूरो, विराटनगर । कोशी प्रदेशको राजधानी विराटनगरस्थित रहेको एस्टर्न कलेज अफ ईन्जिनीयरिँगमा तालाबन्दी गरिएको छ ।

विद्यार्थीहरुबाट चर्को ब्याज उठाएको भन्दै विहिबारदेखि कलेजमा तालाबन्दी गरिएको हो । तोकिएको शुल्कमा फाईन (ब्याज) जोडेर कलेज प्रशासनले तिर्न भनेपछि विद्यार्थीहरु आन्दोलित भएका हुन् ।

ईन्जिनीयरिँग सेक्टरमा पढन विभिन्न जिल्लाहरुबाट गएका विद्यार्थीहरुलाई तोकिएको शुल्कभन्दा अधिक शूल्क तिर्न भनेपछि आन्दोलित भएका हुन् । उनीहरु विहिबार दिउँसोदेखि कलेजमा तालाबन्दी गरिदिएको हो ।

कलेज प्रशासनले तोकिएको शुल्कको ब्याज जोडेर बिल काटेको हो । समेष्टेरको शुल्क ६८ हजार ७५० रुपैयाँ मात्र रहेकोमा विद्यार्थीलाई ८० हजार रुपैयाँको बिल थमाएपछि विद्यार्थीहरु आन्दोलित भएका छन् ।

विद्यार्थीहरुले शूल्कभन्दा ११ हजार २५० रुपैयाँ के को बढी लिएको सोध्दा कलेज प्रशासनले ब्याज जोडिएको जवाफ फर्काएको थियो । त्यसपछि कलेजका विद्यार्थीहरुले प्रशासनको गेटमा तालाबन्दी गरेर आन्दोलनमा उत्रेका छन् ।