'प्रहरीको सई हुँ' भनी नक्कली हतियार देखाएर व्यापारी थर्काउने नक्कली पुलिस पक्राउ

न्यूज ब्यूरो, सिरहा । स्थानीय व्यापारीहरुलाई आफू प्रहरीको सई हुँ भनी नक्कली हतियार देखाएर तर्साउने एक नक्कली प्रहरी पक्राउ परेका छन् ।

सिरहाको सीमावर्ती क्षेत्रमा नक्कली हतियार लिएर घुम्दै व्यापारीहरुलाई तर्साउँदै हिडेका एक युवकलाई सशस्त्र प्रहरी बल सिरहा प्रहरीले पक्राउ गरेको हो ।

सादा पोशाकमा घुमिरहेका सिरहाको नक्कली प्रहरी कुमोद साह नामक व्यक्तिलाई हतियारसहित प्रहरीले पक्राउ गरेको हो । विहिबार सिराहाको बरियारपट्टी गाउँपालिका वडा नम्बर ३ मा नेपाल प्रहरीको सदा पोसाकको प्रहरी सहायक नीरिक्षक हुँ भन्ने व्यापारीलाई थर्काउँदै गरेको अवस्थामा सशस्त्र प्रहरीले पक्राउ गरेको हो ।

पक्राउ परेका कुमोद साह सिराहाको लक्ष्मीपुर पतारी गाउँपालिका वडा नम्बर १ रामपुरका बासिन्दा हुन । भारतको लदनियाँबाट नेपालको दसगजा क्षेत्रमा व्यापारी र स्थानीयलाई तर्साउने अवस्थामा सशस्त्र प्रहरी वल बरियारपट्टीले पक्राउ गरेको जनाईएको छ।

व्यापारीलाई धम्क्याएर रकम मागेको साहलाई थप अनुसन्धानको लागि जिल्ला प्रहरी कार्यालय सिराहा पठाएको सशस्त्र प्रहरीको सशस्त्र प्रहरी निरीक्षक कृष्ण थापा जानकारी दिए ।