मानव तस्करी विरुद्ध सीमामा जनचेतना

न्यूज ब्यूरो, जनकपुरधाम । मानव बेचविखन विरुद्ध दिवसमा मानव तस्करी विरुद्ध सीमानाकामा जनचेतना फैलाईएको छ ।

जनकपुरधामस्थित रहेको शान्ती पुर्नस्थापना गृहको आयोजनामा धनुषाको जटही नाकामा मानव तस्करी विरुद्ध जनचेतना फैलाईएको हो । आईतबार एक कार्यक्रम गरी सीमा क्षेत्रमा चेतना फैलाईएको हो ।

“रीच एभरी भिक्टीम अफ ट्राफिकिँग, लिभ नो अन बिहाइन्ड” मूलनाराको साथ जटही नाकामा चेतनामूलक कार्यक्रम गरी चेतना फैलाईएको हो । स्थानीय सर्वसाधारण सहित सो नाकामा आवतजावत गर्ने सर्वसाधारणलाई समेत रोकेर चेतना दिएको हो ।

सीमा सुरक्षा बल जटही, ईलाका प्रहरी कार्यालय जटही, सशस्त्र प्रहरी बल गुल्म जटहीको प्रत्यक्ष रोहबरमा कार्यक्रम गरिएको शान्ती पुर्नस्थापना केन्द्र धनुषाका निशिथ कर्णले जानकारी दिए ।