सूचना अभियन्ताको नाममा शिक्षक पर्शुराम साह सूचना भँजाएर खाने गरेको आरोप

न्यूज ब्यूरो, सिरहा । कथित सूचना अभियन्ताको नाममा एक विद्यालयका मास्टर (शिक्षक) ले सूचना भँजाउदै हिडेको आरोप लगाईएको छ ।

सिरहाको विभिन्न स्थानीय तहमा सूचना मागेर सोही सूचना भँजाउने सिरहाको सारस्वरनाथ माध्यमिक विद्यालयका शिक्षक पर्शुराम साहको नालीबेली बाहिर आएको हो ।

विद्यालयमै कहिलकाँही हाजिरी लगाउने शिक्षक साहले सूचनाको हक प्रयोग गरी कर्मचारी तर्साउने, परेशान गर्ने नियतले सोही सूचनापछि भँजाउन प्रयोग गरिएको आरोप लगाईएको छ ।
साहले विभिन्न पालिकाहरुमा सूचना दर्ता गराउने, सूचना माग गर्ने कार्य गर्दै आएका छन् । उनले सूचना मागेपनि सो सूचनाको कुनै सदुपयोग नै नगरी कर्मचारीहरुसँग बार्गेनिँग गर्न प्रयोग गरिरहेको आरोप लगाईएको छ ।

साम, दाम, दण्ड भेद मिले सूचनाको हकलाई पाखा लगाउने शिक्षक साहले कर्मचारीसँग कुरो नमिलेपछि पुनरावेदन गर्ने, धम्काउने जस्ता कार्यहरु गर्दै आएका छन् । शिक्षक पेशामा भएर साहले सूचनाको हकको गलत लाभ लिन प्रयोग गरिरहेको पाईएको छ । विभिन्न स्थानीय तहका हाकिम, सूचना अधिकारी, लेखापाललाई स्थानीय सरकार गठन भएदेखिकै हरहिसाबको सूचना माग्दै बार्गेनिँग गरिरहेको आरोप छ ।

सुरु वर्षदेखिकै सूचना मागेर कर्मचारीलाई परेशान गर्ने नियतले सूचना माग्ने पछि सूचना नै नमाग्ने र कर्मचारीसँग बार्गेनिँग गर्ने गरेका छन् । यस सन्दर्भमा शिक्षक साहसँग सम्पर्क गर्दा प्रथम पटक फोन उठाएपनि दोस्रो पटकदेखि उनले फोन उठाएनन् ।

अहिले सिरहाको गोलबजार नगरपालिकामा बजार ठेक्काको विषयमा अख्तियारले छानबिन सुरु गरेपछि अधिकृतसँग शिक्षक साहले नै लविँग गरिरहेको बताईएको छ |

सो समाचारको सन्दर्भमा शिक्षक साहले आफूमाथि लगाएको आरोप निराधार कपोकल्पित रहेको प्रतिक्रिया दिएका छन् । उनले आफूसँग कसैको व्यक्तिगत रिसबी भएको कारण तथाकथित आरोप लगाएको प्रतिक्रिया दिएका छन् । हुनले सो आरोपलाई खण्डन गर्दै आरोप सत्य नभएको प्रतिक्रिया दिए ।