कमलामा बाँसको सिढी चढ्न २० रुपैयाँ, अब सिरहा नगरपालिकाले पुल बनाउँदै

न्यूज ब्यूरो, जनकपुरधाम । धनुषा र सिरहा जिल्ला जोडने कमला पूलको निर्माण हुन नसक्दा आवतजावत गर्ने सर्वसाधारण अति मार्कामा परेका छन् ।

१५ मिनेटको बाटोको लागि पनि २ घण्टा लगाएर जयनगरको बाटो जानुपर्ने बाध्यता रहेको छ । भत्किएको कमला पुलबाट पैदल आवतजावतको लागि पनि बाँसको सिढीमा चढन २० रुपैयाँ लिने गरिएको छ ।

पानी कम भएपछि नदीमा बाँसको पुल बनाएर ५० देखि १०० रुपैयाँसम्म लिने गरेका सोही ठाउँका स्थानीयहरुले अहिले बाँसको सिढी बनाएर २० रुपैयाँ लिने गरेको छ । पैदल यात्रा गर्न पनि २० रुपैयाँ तिर्नुपर्ने महिनौपछिको बाध्यतापछि अब सिरहा नगरपालिकाले त्यहाँ बाँसको पुल निर्माण गर्ने भएको छ ।

सिरहा नगरपालिकाले भत्किएको पुलसँगै जोडेर सर्वसाधारणलाई आवतजावत गर्न बाँसको पुल निर्माण गर्न लागेको हो । सोही ठाउँमा हुलाकी राजमार्ग आयोजनासमेत पुल बनाउने योजना बनाएको नेपाल पत्रकार महासंघ सिरहा शाखाका पूर्व अध्यक्ष एवम् पत्रकार देवकुमार यादवले जनाएका छन् ।