मधेस ग्रामीण बिकाश परियोजना को १५ औँ वाषिर्कोत्सवमा विभिन्न व्यक्तित्वलाई सम्मान

न्यूज ब्यूरो, जनकपुरधाम । जनकपुरमा गैर–सरकारी सँस्थाहरुमध्ये पुरानो सँस्था मानिएको मधेश ग्रामिण विकास परियोजनाको १५ औँ बार्षिकोत्सव जनकपुरमा मनाइएको छ ।

शनिबार एक समारोहबीच परियोजनाको १५ औँ वार्षिकोत्सव मनाईएको हो । विगत १५ बर्षदेखि निरन्तर सरकारलाई विभिन्न कार्यको माध्यमले सहयोग गर्दै आएको मधेश ग्रामिण विकास परियोजना आफ्नो १५ औँ वार्षिकोत्सव मनाएको हो ।

कृषि क्षेत्रमा विशेष योग्दान दिँदै आएको परियोजनाले मधेश प्रदेश सरकार र स्थानीय सरकारसँगको समन्वयमा विभिन्न उपलब्धीमूलक कार्यहरु गर्दै आएको छ ।

शनिबार सँस्थाका अध्यक्ष सँजय कुमार साहको अध्यक्षता तथा मधेश सरकारकी उद्योग, वाणिज्य तथा पर्यटनमन्त्री सुनिता यादवको प्रमुख आतिथ्यमा समाजिक क्षेत्रमा योग्दान दिएका व्यक्तित्वहरुलाई सम्मान समेत गरिएको छ ।

गँगा आरती सँचालन गरी जनकपुरमा क्लीन एण्ड ग्रीन जनकपुरको अवधारणा ल्याएका प्रदेश साँसद राम अशिष यादव, सहकारीका अध्यक्ष ध्रुव नारायण यादव, सँचारकर्मी, अधिकारकर्मी, समाजिक अभियन्ताहरुलाई समेत सम्मान गरिएको हो ।

सो क्रममा मन्त्री सुनिता यादवले मधेश ग्रामिण विकास परियोजनालाई सफलताको कामना गर्दै सरकारसँग निरन्तर सहकार्यको लागि प्रोत्साहन समेत गरिन् । कार्यक्रममा प्रदेश साँसद राम अशिष यादवले अध्यक्ष एवम् प्रदेश साँसदका प्रत्यासी सँजय कुमार साहको लगनशिलताप्रति प्रशँसा व्यक्त गरे ।

विशिष्ट अतिथिको आसनबाट बोल्दै साँसद यादवले अध्यक्ष साहले सँस्थालाई निरन्तर १५ बर्ष सम्म हाँकेको भन्दै गौरवान्तिम भएको बताए । उनले आगामी कार्यको लागि समेत शुभकामना दिए ।

सो कार्यक्रममा जनकपुरधाम उपमहानगरपालिकाका उपप्रमुख किशोरी साह, लोसपाका केन्द्रीय सदस्य सँजय चौधरी, जनकपुरधाम उद्योग वाणिज्य सँघका अध्यक्ष जीतेन्द्र महासेठ, नागरिक समाजका अगुवा अमरचन्द्र अनिल, राराबका स्ववियू अध्यक्ष मनिष यादव, न्यूज ब्यूरोका रितेश शर्मा, नेविसंघका ईन्द्रजीत गोईत, न्यूज ब्यूरोका सिरहा संवाददाता उमेश यादव लगायत दर्जनौ व्यक्तिको उपस्थिति रहेको थियो ।