धनुषामा मोटरसाईकलको ठक्करले एक बालिका गम्भिर

विनय कुमार यादव |
जनकपुरधाम, ९ जेठ । धनुषामा मोटरसाईकलले ठक्कर दिँदा एक बालिका गम्भिर घाईते भएकी छन् ।

धनुषाको सबैला नगरपालिका वडा नं. ५ मखनाहाको मुस्लिम टोल बस्ने बर्ष ४ की आश्विन खातनलाई मोटरसाईकलले ठक्कर दिएको थियो ।

आफ्नै घरको सामुन्ने सडकमा खेल्दै गरेको अवस्थामा ठक्कर दिएपछि बेहोस भएकी खातुनलाई तत्कालै धनुषाधाम अस्पतालमा पुरयाएपछि होस आएको हो ।

मोटरसाईकल बालिकाको छातीमाथिबाट आरपार गरिएको छ । बालिकाको छातीको हड्डी भाँचिएको अनुमान गरिएको छ ।

छातीमा गम्भिर चोट लागेको खातुनलाई होस आउने वित्तिकै थप उपचारको लागि जनकपुर ल्याएको ईलाका प्रहरी कार्यालय सबैलाका ईन्चार्ज एवम् प्रहरी नीरिक्षक सुरेश ठाकुरले जनाए ।

यता, ठक्कर दिने मोटरसाईकको अत्तोपत्तो छैन भने नम्बर समेत कसैले टिप्न नसकेको भन्दै ठक्कर दिने चालकलाई खोज्न गाह्रो भएको ठाकुरले जनाए ।

बच्चाहरुको समूहमा खेल्दै गरेका खातुनलाई ठक्कर दिएपछि एक जना बालकले उनका परिवारलाई खातुनलाई ठक्कर दिएको बताएपछि मात्र अभिभावक आएका थिए ।

अहिलेसम्म मोटरसाईकल फरार रहेका छन् ।