भ्रष्टाचार बन्द गर भन्दै विदेहमा ६ दलको विरोध प्रदर्शन

न्यूज ब्यूरो, जनकपुरधाम । धनुषाको विदेह नगरपालिकामा विभिन्न राजनीतिक दलका नेता कार्यकर्ताहरुले भ्रष्टाचार विरुद्ध नारा जुलुस गरेका छन् ।

आईतबार असार १० गते विदेह नगरपालिकाको नगरसभाको क्रममा प्रतिपक्षी दलका नेता कार्यकर्ताहरुले नारावाजी गरेका हुन् । नगरसभा खुल्ला रुपमा गर्नुपर्ने भन्दै नेपाली काँग्रेस, नेकपा एकिकृत, जसपा, लोसपा, एमाले, माओवादी लगायतका दलका नेता कार्यकर्ताहरुले विरोध जनाएका हुन् ।

प्रत्येक वर्ष नगर प्रमुख बेचन दासले बन्द कोठामा नगरसभा गरेको भन्दै खुल्ला मँचमा नगरसभा गर्नुपर्ने भन्दे विरोध जनाएका थियो । मेयरका प्रत्यासी एवम् नेकपा एकिकृतका युवा नेता राजकिशोर यादवको नेतृत्वमा गएको कार्यकर्ताहरुले नगरसभा विरुद्ध नारावाजी गरेको थियो ।

योजना लुकाएको, बन्द कोठामा नगरसभा गरेको, भ्रष्टाचार गरेको आरोपसहित नारावाजी गरिएको थियो ।

यद्यपी, विदेह नगरपालिकाले यसपाली ज्ञापन पत्रलाई मान्दै बन्द कोठाभन्दा बाहिरै नगरसभा गरेको हो । नगरपालिकाको परिसरभित्र खुल्ला रुपमा नगरसभा गरेको हो ।