जनकनन्दिनी गाउँपालिकाले ल्यायो ४७ करोड बढी बजेट

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाले आगामी आर्थिक बर्ष २०८०/०८१ को लागि बजेट ल्याएको छ ।

आईतबार (असार १० गते) को १० औँ ऐतिहासिक गाउँसभाबाट सो बजेट ल्याएको हो । बिहान १० बजेदेखि सुरु भएको गाउँसभाको उदघाटन कार्यक्रमको क्रममा गाउँपालिका उपाध्यक्ष कमला सहगलले नीति तथा कार्यक्रम प्रस्तुत गरेकी थिईन् । नीतिको क्रममा शिक्षालाई सबलीकरण गर्न उत्तम बजेटको व्यवस्था गरेको बताईएको छ ।

गाउँपालिका उपाध्यक्ष सहगलको अध्यक्षता तथा गाउँपालिका अध्यक्ष दिपिन देव यादवको प्रमुख आतिथ्यमा सम्पन्न भएको १० औँ गाउँसभाबाट कुल ४७ करोड ३३ लाख ९२ हजार १०० बजेट ल्याएको हो । आगामी आर्थिक बर्षको लागि सो बजेटमा शिक्षा क्षेत्रलाई सबलीकरणको नीतिगत कार्य गर्ने बताएका छन् ।

गाउँसभाको क्रममा बोल्दै गाउँपालिका अध्यक्ष यादवले आगामी आर्थिक बर्षको बजेटमा शिक्षा सबलकीकरणलाई विशेष प्राथमिकतामा राखी कार्य गरिनेछ । उनले अन्य नीति तथा कार्यक्रम अनुसार २ बर्षे, ३ बर्षे कार्ययोजना र ५ बर्षे कार्ययोजना अनुसार योजनाहरु सँचालन गरिने बताए ।

अध्यक्ष यादवका अनुसार, शिक्षाको लागि १ करोड रुपैयाँ विनियोजन गरिएको हो । स्वास्थ्यमा ६० लाख रुपैयाँ विनियोजन गरिएको बताए ।

गाउँपालिकाका प्रमुख प्रशासकीय अधिकृत अयोधी दासको विशेष आतिथ्यमा सम्पन्न गाउँसभा सर्वसहमतिले भएको हो । गाउँसभाको क्रममा ६ व

टै वडाका वडाध्यक्ष, वडा सदस्य, गाउँ कार्यपालिका सदस्य, कर्मचारी, ईलाका प्रहरी कार्यालय खजुरीका प्रहरी नीरिक्षक, बिओपी खजुरीका प्रहरी नीरिक्षक लगायत शिक्षक, विद्यार्थी, अधिकारकर्मी, पत्रकारहरुको सहभागिता रहेको थियो ।

स्वास्थ्य शाखा सँयोजक रविभुषण मण्डलले सभा सँचालन गरेका थिए । विभिन्न वडाका वडाध्यक्षहरुले आ–आफ्नो मनतव्य समेत राखेका थिए ।