नगर सभा खुल्ला रुपमा गर्न विदेह नगरपालिकामा ज्ञापन पत्र

न्यूज ब्यूरो, जनकपुरधाम । धनुषाको विदेह नगरपालिकामा युवाहरुले ज्ञापन पत्र बुझाएका छन् । विहिबार कार्यालय पुगेर नगरसभा खुल्ला रुपमा गर्न ज्ञापन पत्र बुझाएको हो ।

चालु आर्थिक बर्षको रेडबुक सार्वजनिक नगरेसम्म आगामी आर्थिक बर्ष २०८०/८१ को नगरसभा नगर्न चेतावनी दिएको छ । मेयरका प्रत्यासी राजकिशोर यादवको नेतृत्वको गएको युवाहरुको टोलीले योजनाहरु सार्वजनिक गर्न माग गर्दै बिना पारदर्शीका नगरसभा नगर्न चेतावनी दिएको हो ।

आम नागरिकको हकहितको कुरालाई सार्वजनिकीकरण र नगरसभा खुल्ला रुपमा गर्न माग गरिएको हो । पटक पटक योजनाहरु शिर्षक अनुसार सार्वजनिक गर्न माग गरिएपनि वेवास्ता गरेको भन्दै सार्वजनिक गर्न माग गरिएको हो । उनीहरुले विहिबार नगरपालिकाका प्रमुख प्रशासकीय अधिकृत सँजीव कुमार साहलाई ज्ञापन पत्र बुझाएको हो ।

नेकपा एस, नेपाली काँग्रेस, जनमत पार्टी, नेकपा माओवादी केन्द्र, जसपा र लोसपा लगायतका दलका नेताहरुले ज्ञापन पत्र बुझाएको हो ।