मधेशको ठाउँ-ठाउँमा मुस्लिमहरुको लागि मुसाफिरखाना बनाउनुपर्छः साँसद ठाकुर

न्यूज ब्यूरो, जनकपुरधाम । मधेश प्रदेशका प्रदेश साँसद दिपेन्द्र ठाकुरले मुस्लिम समुदायहरुको लागि ठाउँ ठाउँमा मुसाफिर खाना बनाउन माग गरेका छन् ।

सँसदमा सम्बोधन गर्दै उनले अन्य समुदायको धर्मशाला जस्तै मुस्लिम समुदायहरुको लागि पनि मधेश प्रदेशको ठाउँ ठाउँमा मुसाफिरखाना बनाउनुपर्ने धारणा राखेका छन् ।

जनकपुरसहित अन्य ठाउँहरुमा मुस्लिम समुदायको लागि कहिँ कतै मुसाफिरखाना नरहेको तथा आफूलाई दर्जनौ डेलिगेशन आएको भन्दै उनले मुसाफिरखाना बनाउन माग गरेका छन् ।

नेकपामा एमालेबाट निर्वाचित भएका साँसद ठाकुरले जनकपुरधाम क्षेत्रभित्रसहित मधेश प्रदेशको विभिन्न ठाउँमा धर्मशाला जस्तै मुसाफिर खाना बनाउन सरकार अग्रसर हुनुपर्ने माग गरेका हुन् ।