मोसा चोरी गरी भाग्दै गर्दा एक युवक पक्राउ

न्यूज ब्यूरो, जनकपुरधाम । मोटरसाईकल चोरी गरी भाग्दै गर्दा एक युवकलाई प्रहरीले पक्राउ गरेको छ ।

आज बुधबार अपरान्ह करिब ६ बजेको समयमा जनकपुरको रेल्वे स्टेशन तरकारी बजारबाट मोटरसाईकल चोरी भएको सूचना प्राप्त भएपछि प्रहरी सक्रिय भएको थियो ।

जनकपुरधाम उपमहानगरपालिका वडा नं. १ पुलचोक बस्ने अजय सिँहको ज १ प ५८१४ नम्बरको प्यासन प्रो मोटरसाईकल तरकारी बजारबाट चोरी भएको खवर प्रहरीलाई प्राप्त भए लगत्तै प्रहरी सक्रिय भएको थियो ।

सादा पोशाकमा खटिएको बिशेष प्रहरी टोलीले उक्त मोटरसाईकल चोरी गरी भाग्दै गरेको अबस्थामा जिल्ला धनुषा जनकपुरधाम ३ बस्ने बर्ष ३६ को देबेन्द्र मण्डललाई मोटरसाईकलसहित नियन्त्रणमा लिई अनुसन्धान थालेको हो ।