धनुषाः एउटै पूल बनाउन ७ बर्ष बढी लगाएपछि ठेकेदार लखेटदै स्थानीयहरु, ठेकेदार फरार

न्यूज ब्यूरो, जनकपुरधाम । एउटै पुल बनाउनको लागि विगत ७ बर्षदेखि काम भईरहेको एक पूल निर्माणको लागि स्थानीयहरु ठेकेदार लखेटेका छन् ।

धनुषाको क्षीरेश्वरनाथ नगरपालिका वडा नं. ७ र ९ को बीचमा ईच्छापुरस्थित रहेको जलाद पुल निर्माणको लागि ७ बर्षपहिले निर्माण कार्य सुरु भएपनि अझै निर्माण नगर्दा स्थानीयहरुले ठेकेदारलाई लखेटेका छन् ।

विगत ७ बर्षदेखि पूल निर्माणको लागि काम भईरहेपनि ठेकेदारलाई अझै सो पूल निर्माण नगरिदिँदा आजित भएका स्थानीयहरुले अब ठेकेदार खोज्न थालेका छन् ।

मधेशको महाकुम्भ मानिने १५ दिने मिथिला माध्यमिकी परिक्रमा सडकमा पर्ने सो पूल निर्माण अझै गर्न सकेको छैनन् । बर्षायाम सुरु भएपछि मात्र काम सुरु गर्ने ठेकेदारले समयमा पूल नबनाएको भन्दै स्थानीयहरुले दबाबमूलक अभियान समेत सँचालन गरेको छ ।

सो पूलको ठेक्का किशोरी साह कमलले लिएका छन् । उनकै कम्पनीले सो पूल निर्माणको ठेक्का पाएका हुन् । पूर्व एमाले साँसद तथा हाल जनमतका प्रत्यासी प्रतिनीधि रहेका किशोरी साहलाई स्थानीयहरुले खोज्न थालेका छन् ।

स्थानीयहरुले ठेकेदारलाई जेठ महिनाभित्र पूल नबनाए बाँकीको पूल समेत बन्न नदिई अर्को ठेक्काको लागि जनप्रतिनीधिलाई समेत दबाब दिने बताएका छन् । उनीहरुले जनप्रतिनीधिलाई समेत समयमै काम गर्न चेतावनी दिएको हो ।

पत्रकार बिनय यादवको अगुवाईमा विभिन्न पेशाकर्मीहरुले सो आन्दोलनलाई ऐक्यबद्धता जनाउँदै समयसीमाभित्र पूल सम्पन्न नभए अर्को विकल्पको चेतावनी समेत दिएका छन् ।