लहानको कामना नर्सिङग होममा निःशुल्क स्वास्थ्य शिविर, २५० बढीले लिए फ्रि सेवा

न्यूज ब्यूरो, सिरहा । सिरहाको लहान स्थित रहेको कामना नर्सिङग होमले निःशुल्क स्वास्थ्य शिविर गरेको छ । शनिबार एक दिने निःशुल्क स्वास्थ्य शिविरमा २०० बढी आम नागरिकले सेवा लिएको हो ।

गरिब, विपन्नहरुलाई मध्यनजर गर्दै कामना नर्सिङग होम लहानले आयोजना गरेको निःशुल्क स्वास्थ्य शिविरमा विभिन्न रोगहरुको चेकजाँच गरिएको थियो । बिराटनगरको गोल्डेन हस्पिटल प्रा.लि. का बरिस्ठ डाक्टरहरुद्वारा निःशुल्क स्वास्थ्य शिविर गरिएको हो।

शनिबार विहान १०ः३० बजेदेखि साँझ ५ बजेसम्म सँचालन भएको शिविरमा २ सय ५० जना भन्दा अधिकले सेवा लिएको कामना नर्सिङ होम प्रा.लि. प्रशासन शाखा प्रमुख रोशन कुश्वाहाले जानकारी दिए ।

गाउँ घरका विपन्न नागरिकहरुले ठुला अस्पताल जानलाई धेरै नै कठिनाई भएको हुँदा लाहान स्थित रहेको कामना नर्सिङ होम प्रालीले शिविर राखेको कामना नर्सिङ होमका संचालक बृदेब महतोले जानकारी दिए ।

शिविरको क्रममा नियमित बिरामीहरुलाई समेत चेकजाँचमा ५० प्रतिशत छुट गरेको थियो । प्राईभेट क्लीनकले निःशुल्क सेवा दिएपछि सेवाग्राहीहरु खुसी व्यक्त गरेका थिए ।