निर्वाचन आयोगको स्पष्टिकरणमा कुनै सत्यता छैनः मुख्यमन्त्री यादव

न्यूज ब्यूरो, जनकपुरधाम । मधेश प्रदेशका मुख्यमन्त्री सरोजकुमार यादवले निर्वाचन आयोगले स्पष्टीकरणमा कुनै सत्यता नरहेको दाबी गरेका छन् ।

मुख्यमन्त्री राउतले आइतबार एक विज्ञप्ति जारी गर्दै निर्वाचन आयोगले आफूलाई सोधेको स्पष्टीकरणमा कुनै सत्यता नरहेको भन्दै त्यसले आफ्नो ध्यानाकर्षण भएको बताएका हुन् । उनले आयोगको स्पष्टीकरणले भ्रममा नपर्न र निर्वाचनलाई स्वतन्त्र, निष्पक्ष र भयरहित तवरबाट सम्पन्न गर्न सबैलाई आग्रह गरेका छन् । निष्पक्ष, भयरहित वातावरणमा उपनिर्वाचन सम्पन्न गराउन मधेस सरकारको प्रतिबद्धताअनुसार काम भइरहेको र त्यसमा कुनै आँच नआउने उनले उल्लेख गरेका छन् ।

यसअघि निर्वाचन आयोगले मुख्यमन्त्री यादवलाई स्पष्टीकरण सोधेको हो । मुख्यमन्त्री यादवले स्पष्टिकरण बुझाउनुभन्दा पनि कटाक्ष सार्वजनिक गरेका छन् ।

बारा निर्वाचन क्षेत्र नं. २ मा आईतबार सम्पन्न उप निर्वाचनभन्दा अगाडी कार्यालय छाडेर सरकारी सेवा सुविधासहित पार्टीको प्रचार र भोँट माग्न गएका थिए । मुख्यमन्त्रीको कार्यालय छाडेर यादवले पार्टी प्रचारमा लागेको उजुरीपछि उनलाई स्पष्टिकरण सोधिएको हो ।