परदेशी जीवनमा आधारित

न्यूज ब्यूरो |
जनकपुरधाम, ३१ बैशाख । परदेशी जीवनमा आधारित मधेसी मूलका नेपालीले गुरु धिरु नामक मैथिली कविता सँग्रह प्रकाशित गर्न सफल भएका छन् ।

बैदेशिक रोजगारीमा रहेका नेपालीहरुको पीडा, बेदना र चुनौतिहरुलाई विशुद्ध मुद्दा बनाई रचना गरिएको कविताहरुको सँग्रह बनाएका छन् ।

सिरहा जिल्ला धनगढीमाई नगरपालिका वडा नंं ७ फुलकाहा कट्टी बस्ने गुरुदयाल यदुवंशी र धनुषा जिल्लाका हँसपुर नगरपालिका वडा नं. ९ मोरहा बस्ने धिरेन्द्र पासवान सौर्यको सँयुक्त मनोभाव र कलमको रचनामा उक्त कविता सँग्रह प्रकाशित गरिएको हो ।

भाषामा मौलिकता र सहजता भरिपूर्ण गरिएको उक्त कविता सँग्रहमा नव युवा र नव पिढीका मनोभावको उज्वल स्वर सुसज्जित गरिएको छ ।

परदेशी जीवनको पीडा, दुःख, भविष्य र वर्तमानको समागमले झल्काइएको कविता सँग्रहमा गुरु र धिरुको लेखन बेजोड प्रस्तुत गरिएको छ ।

विगत ४ बर्षदेखि परदेशी जीवन व्यतित गरिरहेका गुरु र धिरु समयको पावन्दी तथा अभावमा पनि उक्त प्रकाशनले उनीहरुको क्षमता र यौगितकतामा मिसाल कायम गरेको छ ।

वैदेशिक रोजगारीमा रहेर पनि कार्यव्यस्ताको बाबजुद आफ्नो मातृभाषा मार्फत मातृभूमीलाई उत्थान र सम्बर्धनको लागि चालेको यो कदमलाई वरिष्ठ कविहरुले सराहनीय र प्रशंसनीय बताएका छन् ।

एम ए प्रिन्टर्स अप्सेट प्रेस विराटनगरबाट प्रकाशित भएको यो कविता सँग्रह जनकपुर लगायत मधेसको अन्य शहरहरुको पुस्तक पसलमा समेत उपलब्ध गराइएको छ ।
जनकपुरको जानकी चौक स्थित जनता पुस्तक भण्डारमा सहज उपलब्ध गराइएको युवा कवि धिरेन्द्र पासवान सौर्यले जानकारी दिए ।