शहिदनगरमा पीडित शिक्षकहरुको धर्ना

न्यूज ब्यूरो, जनकपुरधाम । धनुषाको शहिदनगर नगरपालिकामा पीडित शिक्षकहरुले तलबभत्ताको माग गर्दै धर्ना दिएका छन् ।

केही दिन अगाडी शहिदनगर नगरपालिकाका नगर प्रमुख दिनेश प्रसाद यादवलाई ज्ञापन पत्र बुझाउँदै ३ दिनको अल्टिमेटम दिएको थियो । विभिन्न समुदायिक विद्यालयमा कार्यरत शिक्षकहरुले तलबभत्ताको माग गर्दै धर्ना दिएको हो ।

उनीहरुले शहिदनगर नगरपालिको कार्यालय अगाडी शुक्रबार धर्ना दिएर विरोध जनाएको हो । विद्यालयमा तलब भत्ता गएपनि शिक्षिक शिक्षिकाहरुले तबलभत्ता नपाएको भन्दै जनप्रतिनीधिलाई ध्यानाकर्षण गराएको हो ।

शिक्षकहरुको तलबभत्ताको लागि आन्दोलनरत शिक्षकहरुले धर्ना दिँदै शिक्षा शाखा प्रमुख विश्वनाथ यादवलाई समेत ध्यानाकर्षण गराएको हो । सो क्रममा मेयर यादवले उनीहरुको तलबभत्ताको लागि पहल जारी रहेको र केही दिनमै निष्कर्ष निकालेर निकास दिने प्रतिवद्धता जनाएको बताए ।

न्यूज ब्यूरोसँगको कुराकानीमा मेयर यादवले शिक्षकहरुलाई विद्यालयबाट समस्या भएको बताउँदै सोको निराकरणको लागि प्रयासरत रहेको बताए ।