जनकपुरः भोली हनुमान जयन्तीमा निकालिने शोभायात्रा सहभागीलाई मुस्लिमहरुले मालाले स्वागत गर्ने

न्यूज ब्यूरो, जनकपुरधाम । हनुमान जयन्तीको अवसरमा भोली विहिबार निकालिने भव्य शोभायात्रालाई मुस्लिम समुदायले मालाले स्वागत गर्ने भएको छ ।

जनकपुरका मुस्लिम समुदायहरुको समाजिक सँस्था मुस्लिम डेभलप्मेन्ट सोसाईटीले हनुनमान जयन्तीको शोभायात्राका श्रद्धालुहरुलाई माला लगाएर स्वागत गर्ने तयारी गरेको सोसाइटीका रियाज साफीले जनाएका छन् ।

साफीले आफनो फेसबुकमा भोली चैत्त २३ गते जनकपुरधामको गल्ली गल्लीमा हुने शोभायात्राका सहभागीहरुलाई मालाले स्वागत गर्ने निर्णय भएको उल्लेख गरेका छन् । हिन्दु–मुस्लिमबीच सदभाव रयाली निकालिएपछि सदभाव कायम राख्न हिन्दु धर्मावलम्बीहरुको शोभायात्रामा मुस्लिम धर्मावलम्बीहरुले स्वागत गर्ने भएपछि वेग्लै दृश्याँकनको आँकलन गरिएको छ ।