मोदीलाई १२१ किलोको माला सहित जनकपुरको साँचो बुझाइयो !

न्यूज ब्यूरो |
जनकपुरधाम, २८ बैशाख । जनकपुर भ्रमणमा रहेका भारतीय प्रधानमन्त्री नरेन्द्र मोदीलाई १२१ किलोको फूलमालाले स्वागत गर्दै जनकपुरको साँचो बुझाइएको छ ।

अतिथि देवो भव भन्दै मिथिलाको सँस्कार अनुसार पाहुनालाई घरको साँचो बुझाउने परम्परा अनुसारै १२१ किलोको माला लगाउँदै जनकपुरको साँचो बुझाइएको हो ।

जनकपुर उद्योग वाणिज्य सँघद्धारा १ सय २१ किलोको माला प्रदेश नं. २ का मुख्यमन्त्री मो.लालबाबु राउत सहित प्रदेश प्रमुख, जनकपुरका मेयर लगायतले सँयुक्त रुपमा लगाएका छन् भने जनकपुरको साँचो मेयर लालकिशोर साहले मोदीलाई सुम्पेका छन् ।