विदेशमा रहेका मधेशीहरुको साहारा 'डा. सिके राउत'

न्यूज ब्यूरो, जनकपुरधाम । परिवार पाल्न वैदेशिक रोजगारीमा विदेशिएका मधेशी समुदायका युवाहरुको लागि डा. सिके राउत साहारा हुँदै आएका छन् ।

डा. सिके राउतले नै स्थापना गरेको गैर–आवासीय मधेशी सँघ (एनआरएमए) नामक सँस्था मार्फत निरन्तर विदेशमा रहेका युवाहरुलाई सहयोग गर्दै आएको छ ।

वैदेशिक रोजगारीको क्रममा सउदी, कतार, मलेसिया, दुबई, बहराईन आदी देशहरुमा कुनै समस्या भएको खण्डमा गैर आवासीय मधेशी सँघलाई जानकारी गराए लगत्तै प्रक्रिया सुरु गरी समस्या समाधान गर्ने फास्ट ट्रयाकको काम गर्दै आएको छ ।

वैदेशिक रोजगारीमा गएर फँसेपछि, अकाल मृत्यू भएपछि, दुर्घटनामा परी सख्त घाईते भएपछि, उपचार आदीको लागि डा. सिके राउत सँस्थापक रहेको गैर आवासीय मधेशी सँघले एक्सन लिँदै आएको छ ।

गैर आवासीय मधेशी सँघले सयौँ जनालाई वैदेशिक रोजगारीको क्रममा फँसेकाहरुलाई उद्धार गरी नेपाल पठाएका छन् । दर्जनौ वैदेशिक रोजागारीको क्रममा पीडित भएकाहरुलाई आर्थिक सहयोग समेत गर्दै आएको छ ।

मधेश प्रदेशको ८ वटै जिल्लासहित तराई मधेशको २२ जिल्लाका मधेशी युवाहरुको बलियो सँगठन रहेको गैर आवासीय मधेशी सँघले २२ वटै जिल्लाका युवाहरुलाई परेको बेला अग्रसर भई तत्कालै समस्या समाधानको लागि पहल गर्ने गरेको छ ।

वैदेशिक रोजगार विभागले समय लगाउने, आनाकानी गर्ने, अधिक प्रक्रिया पुरयाउन समय लगाउँदा विभिन्न देशको विभिन्न कुनामा रहेको गैर आवासीय मधेशी सँघका पदाधिकारीले ३ दिनभित्रै सहयोगको लागि जुटदै आएको छ ।

वैदेशिक रोजगारीमा रहेका युवाहरुले डा. सिके राउतलाई आफ्नो ब्राण्ड मान्दै आएका छन् । गत चुनावमा समेत एक भोँट जसलाई दिएपनि एक भोँट डा. सिके राउतको जनमत पार्टीको हौरन छापमा दिनको लागि फोन उर्दी जारी गरिएको थियो ।

वैदेशिक रोजगारीको क्रममा कुनै समस्या हुँदा डा. सिके राउतलाई गुहार लगाउने गरेका युवाहरुले गैर आवासीय मधेशी सँघसँग जुडन पनि आतुर देखिएका छन् ।

गैर आवासीय मधेशी सँघका पदाधिकारी, सयौँ सदस्यहरुले चन्दा जम्मा गरी पीडितलाई सहयोग, गरिब, निमुखाहरुलाई सहयोग गर्दै आएको छ ।

घरमा फोन गरी उनीहरुले एक मत हौरन छापमै दिनको लागि परिवारजनलाई दबाब दिँदै आएको थियो । सप्तरी २ बाट चुनाव लडेका डा. सिके राउतसहित मधेशको विभिन्न जिल्लामा यसपाली जनमत पार्टीले अपेक्षाकृत जीत हाँसिल गरेको थियो । समानुपातिक तर्फ समेत अधिक मत ल्याउन सफल भएको थियो ।