'जनकपुर-अयोध्या' बसलाई मोदीको हरियो झण्डी, बाह्रविघा मैदान पुगे

न्यूज ब्यूरो |
जनकपुरधाम, २८ बैशाख । जनकपुर भ्रमणमा रहेका भारतीय प्रधानमन्त्री नरेन्द्र मोदीले ऐतिहासिक "जनकपुर -अयोध्या " बस सेवालाई हरियो झण्डी देखाएका छन् ।

विश्वप्रसिद्ध जानकी मन्दिरमा पूजा सम्पन्न गर्दै प्रधानमन्त्री मोदीले रामायण सर्किटको घोषणा गर्दै जनकपुर अयोध्या बस सेवा सँचालन समेत गरेका छन् ।

जनकपुर अयोध्या मैत्री बस सेवाबाट जनकपुरदेखि अयोध्यासम्म सिधा बस सेवा सँचालन भएको छ ।

मोदीले नेपालका प्रधानमन्त्री केपी ओलीलाई भाई भन्दै जनकपुर आएर स्वागत गरेकोमा धन्वाद ज्ञापन समेत गरेका छन् ।

भर्खरै जनकपुको रँगभूमि मैदान बाह्रविघामा राखिएको नागरिक अभिनन्दन कार्यक्रममा सरिक हुन बाह्रविघा मैदान पुगेका छन् ।

केहीबेरमा जनकपुरवासीको नाममा सम्बोधन गर्ने कार्यक्रम रहेको छ ।