मोदीसँगै 'कुर्ता - पैजामा' मा जनकपुर आए केपी ओली

न्यूज ब्यूरो |
जनकपुरधाम, २८ बैशाख । भारतीय प्रधानमन्त्रीलाई जनकपुरमा स्वागत गर्न आतुर भएर आएका नेपालका प्रधानमन्त्री केपी शर्मा ओली आज मधेस मिथिला पहिचानको पोशाक "कुर्ता - पैजामा" मा देखिएका छन् ।

सधैं दाउरा सुरुवाल एवम् कोट पाईन्टमा देखिने प्रधानमन्त्री केपी शर्मा ओली जनकपुरमा कुर्ता पैजामा सहित गम्छा आढेर चिटिक्क परेको देखियो ।

मोदीको जनकपुर भ्रमणको क्रममा विहानै जनकपुरको जनक दरबार आएका प्रम ओली मोदीजस्तै भेषभूषामा सुज्जित देखिएका हुन् ।

भारत र नेपालको मधेसको भेषभूषा मिल्दोजुल्दो भएपनि आज देखिएको प्रमको पहिरन भने शुद्ध मधेसी पोशाक हो ।