जानकी शरणमा मोदी : जय जनकपुरधाम, जय जानकी र मोदी- मोदी गुञ्जिदै

न्यूज ब्यूरो |
जनकपुरधाम, २८ बैशाख । जय जनकपुर, जय माता सीता, जय जानकी, मोदी मोदी भनेर अहिले नेपालको जनकपुरधाममा ध्वनी गुञ्जायमान भएको छ ।

केही बेर अघि मात्र जनकपुर विमानस्थलमा अवतरण गरेका भारतीय प्रधानमन्त्री नरेन्द्र मोदी अहिले भर्खरै विश्वप्रसिद्ध जानकी मन्दिरमा विशेष पूजाआजाको लागि प्रवेश गरेका छन् ।

प्रधानमन्त्री मोदीलाई नेपालका प्रधानमन्त्री केपी शर्मा ओलीले स्वागत स्वागत गर्दै जानकी मन्दिरका बडा महन्थ र छोटा महन्थलाई विशेष स्वागतको जिम्मेवारी दिइएको हो ।

जानकी मन्दिर सहित आसपासका क्षेत्रलाई सुरक्षाकर्मीले ५ तहको सुरक्षा घेरा हालेको छ ।

केही बेरपछि जानकी मन्दिरमा विशेष पूजा आरम्भ हुनेछ भने पूजाआजापछि जनकपुरको रँगभूमि मैदानमा नागरिक अभिन्दन कार्यक्रममा सहभागी हुनेछ ।