धनुषाको गणेशमानचारनाथ नगरपालिकामा नयाँ अधिकृत गोबिन्द पौडेल हाजिर

न्यूज ब्यूरो, धनुषा । उत्तरी धनुषाको गणेशमान चारनाथ नगरपालिकाको नयाँ प्रमुख प्रशासकीय अधिकृतमा गोविन्द पौडेल हाजिर भएका छन् ।

आईतबार नगरपालिकाका मेयर जीतनारायण यादवले अधिकृत पौडेललाई हाजिर गराएको हो । यसअघि सोही नगरपालिकाका ईन्जिनीयर लखनदेव यादवले आर्थिक र प्रशासनीक कार्यभार सम्हाल्दै आएका थिए ।

आईतबार दिउँसो मेयरसहित उपमेयर तुलसा पाण्डे, ईन्जिनीयर लखनदेव यादव, लेखा अधिकृत शिवनारायण साहसहित नगरपालिकाका कर्मचारीहरुको रोहबरमा अधिकृतले हाजिरी गरेका हुन् ।

प्रशासनीक कार्य कुशल सम्पादनको लागि चिनिएका अधिकृत पौडेलले कार्यभार सम्हालेपछि कार्ययोजनाहरु कुशल पूर्वक सम्पादन हुने विश्वास जनाए । सो क्रममा मेयर, उपमेयरले शून्य बेरुजुमाथि काम गर्न निर्देशनसहित शुभकामना दिए ।