जनकपुरधाममा 'गर्भ संस्कार' परामर्श सुरु

न्यूज ब्यूरो, जनकपुरधाम । मधेश प्रदेशको राजधानी जनकपुरधाममा ‘गर्भ संस्कार’ सेवा सुरु भएको छ । प्रादेशिक अस्पताल नजिकको दिव्या क्लिनिक एण्ड डायग्नोष्टिक सेन्टरमा सो सेवा सुरु भएको छ ।

यहाँ महिला तथा अभिभावकलाई विशेषज्ञ चिकित्सकले गर्भवती हुनुभन्दा पहिले र गर्भवती भएपछि परामर्श दिइने छन् । गर्भवती महिला, शिशुको स्वास्थ्य अवस्था र हेरचाह सम्बन्धी जानकारी÷सुझाब दिइने डा। बृजमोहन रजकले जानकारी दिए ।

उनका अनुसार गर्भावस्थामा परिवारले कस्तो सोंच–विचार, आहार–बिहार, र कस्तो व्यवहार गर्ने लगायतको विषयमा सिकाइनेछ ।

‘कुनैपनि फलको बिउ रोप्नुपूर्व हामी त्यसको उचित समय, मौसम, माटो आदि हेर्छौ । तर, गर्भाधानका लागि हामी त्यसरी समयको अनुकूलता हेर्ने गर्दैनौ,’डा. रजकले भने,‘जन्म लिने बच्चाको सुख, स्वास्थ्य र समृद्धिका लागि गर्भाधानको लागि पनि निश्चित समय मिलाउनुपर्छ । निश्चित विधि मिलाउनु पर्छ । गर्भ संस्कार सेवाले यही विषयमा परार्मश दिन्छ ।’ यस परार्मशले सुन्दर, संस्कारवान, बुद्धिवान एवंम स्वास्थ्य बच्चा जन्माउन मद्दत मिल्छ ।