विवादरहित कार्यकाल सम्पन्न गरी विदा भए ईन्सपेक्टर घिमिरे, ईन्सपेक्टर भट्टले सम्हाले कमाण्ड

न्यूज ब्यूरो, जनकपुरधाम । पूर्वी धनुषाको ईलाका प्रहरी कार्यालय खजुरीमा एक बर्षको विवादरहित कार्यकाल सम्पन्न गरी ईन्सपेक्टर निरञ्जन घिमिरे विदा भएका छन् ।

करिब १ बर्ष ईलाका प्रहरी कार्यालय खजुरीमा रहँदा ईन्सपेक्टर घिमिरेले दर्जनौ फरार अभियुक्तलाई पक्राउ गर्न सफल भए भने सीमा क्षेत्रमा लागूऔषध नियन्त्रणमा कडा भूमिका निर्वाह गरे ।

सीमा क्षेत्रमा हुने तस्करी नियन्त्रणको लागि एक्ट्रा प्रहरी खटाएर अवैद्य तस्करी नियन्त्रण गरेका ईन्सपेक्टर घिमिरे आफ्नो कार्यकालमा शून्य विवाद ल्याए । उनले आफ्नो कार्यकालमा कुनै प्रकारको विवादमा मुछिएनन् ।

नयाँ ईन्सपेक्टर राजकुमार भट्टले सम्हाले कमाण्ड

ईलाका प्रहरी कार्यालय खजुरीको नयाँ ईन्सपेक्टरमा राजकुमार भट्ट हाजिर भएका छन् । उनले ईलाका प्रहरी कार्यालय खजुरीको कमाण्ड सम्हालेका हुन् । उनले मँगलबार कमाण्ड लिएका हुन् ।

मँगलबार कमाण्ड लिँदै स्थानीय भद्र भलादमी, जनप्रतिनीधि, सँचारकर्मी, अधिकारकर्मी, पेशाकर्मीहरुसँग भेटघाट गर्दै यहाँको स्थितिको बारेमा जानकारी लिएका थिए ।

उनले सीमा क्षेत्रमा हुने विभिन्न अपराधिक क्रियाकलाप, गतिविधि, तस्करी नियन्त्रणको लागि नयाँ डिजाइनमा काम गर्ने बताए ।