हावा हुरीले तराईका जिल्लामा भिषण क्षति

विनय कुमार यादव ||
जनकपुरधाम, २६ बैशाख । बुधबार विहान करिब ३ ३० बजे आएको बलियो हावाहुरीका कारण धनुषा सहित तराईका अन्य जिल्लाहरुमा भिषण क्षति भएको छ ।

मौसम परिवर्तनसँगै आएको वर्षायाम र हावाहुरीसँगै तराईका जिल्लाहरुमा सर्वसाधारणहरुको फुसको घर तथा खपडाको घरहरुको छानो उडाएको छ ।

यसैबीच, हावाहुरीले गर्दा उत्तरी धनुषा तथा पूर्वी धनुषामा बढी क्षतिको अनुमान गरिएको छ ।

उत्तरी धनुषाको धनुषाधाम नगरपालिकाको विभिन्न गाउँहरुमा सर्वसाधारणहरुको कैयौँ घरको छाना उडाएको बताइएको छ ।

नगरपालिकाको साना किसान बैँक दिगम्बपुर शाखाको गाडीमा क्षति पुगेको छ ।
पार्किँग गरि राखिएको बैँकको गाडी गएराती आएको हावाहुरीले गर्दा पर्खाल भत्किँदा गाडीमा क्षति पुगेको हो ।

नगरपालिका भित्रै मात्र करोडौँको क्षति भएको नगर प्रमुख बालेश्वर मण्डलले न्यूज ब्यूरोसँग भने ।

हावाहुरीले गर्दा नगरपालिकाकै वडा नं. ५ स्थित नौसयविघामा रहेको स्पीडि ईँगलिस बोर्डिँग स्कूलमा समेत भिषण क्षति भएको छ ।

स्कुलको खपडा तथा छानो पूर्ण उडाएको छ भने क्षती पूर्णत भएको प्रमुख मण्डलले भने ।

सिरहा लगायत विभिन्न जिल्लाहरुमा मानवीय क्षति समेत भएको समाचार आएको छ भने धनुषा लगायतका अन्य जिल्लाहरुमा मानवीय क्षति भएको नभएको अधिकारी क रुपमा पुष्टि हुन सकेको छैन ।