परिक्रमाको धार्मिक लस्कर आज धनुषाधाम विश्राम गर्दै, नगरपालिकाद्धारा श्रद्धालुलाई भोजन

न्यूज ब्यूरो, जनकपुरधाम । मधेशको ऐतिहासिक एवम् विश्वकै सबभन्दा लामो धार्मिक पदयात्रा रहेको माध्यमिकी परिक्रमाको धार्मिक लस्कर आज धनुषाधाम पुगेको छ ।

धनुषाको कचुरीस्थित मिथिलाबिहारीको मठबाट उठेको डोला किशोरीजीको डोलासहित आज धनुषाको धनुषाधाम पुगेको हो । ऐतिहासिक धार्मिक स्थल रहेको धनुषाधाममा परिक्रमा यात्रीलाई नगरपालिकाले भव्य स्वागत गरेको छ ।

धनुषाधाम नगरपालिकाका मेयर बालेश्वर मण्डलको विशेष सक्रियतामा परिक्रमाका धार्मिक लस्करलाई भोजन गराइएको छ ।

नगरपालिकाको आयोजनामा परिक्रमा पधारेका धार्मिक यात्रीहरुलाई धर्मशालामा भोजनको व्यवस्था गरेका हुन् । धनुषाधाम नगरपालिकामा आज सार्वजनिक विदा पनि दिइएको छ ।