मिसन उमेश : उमेश बचाउको लागि चाहिने ब्लडमनीमा २५ लाखको खाँचो !

न्यूज ब्यूरो |
जनकपुरधाम, २५ बैशाख । सउदी अरेबियामा मृत्यूदण्ड पाएका धनुषाका उमेश यादव बचाउको लागि माफीनामा पत्र वापत माग गरिएको ३० लाख रुपैयाँ मध्ये अहिलेसम्म २५ लाख रुपैयाँको खाँचो देखिएको छ ।

ग्रोविँग नेपाल फाउण्डेशनका अध्यक्ष सरोज रायले सार्वजनिक गरेको फाउण्डेशनको बैँक खातामा अहिलेसम्म ३ लाख बढी रकम मात्र देखाइएको छ ।

रायले फेसबुकमा बैँक स्टेटमेन्ट सार्वजनिक गर्दै खातामा रकम हालेको ३/४ दिनपछि मात्र स्टेटमेन्टमा देखाउने गरेको जनाएको छ ।

जसअनुसार अनुमानित रकम अहिलेसम्म ५ लाख बढी मात्र संकलन भएकोले अझ २५ लाख रुपैयाँको खाँचो देखिएको छ ।

विभिन्न देशहरुमा रहेको नेपाली युवाहरुले उमेश बचाउको लागि रकम संकलन कार्य गरेका छन् भने स्वदेशबाट पनि उमेश बचाउको लागि रकम बैँकमा जम्मा गर्ने गरेको छ ।

बैँक स्टेटमेन्टमा गत २८ अप्रिल २०१८ देखि ६ मे २०१८ अर्थात ९ दिनमा अहिलेसम्म मात्र ३ लाख ८६ हजार ३ सय ११ रुपैयाँको रकम देखाइएको छ ।

उमेश बचाउको लागि माग गरिएको लक्ष्य ३० लाखमा अहिले पनि २५ लाख रुपैयाँको खाँचो देखिएपछि युवाहरु झन सक्रियता बढाएका छन् ।

बैँक खातामा दैनिक रुपमा सहयोगकर्ताहरुले सहयोग राशी जम्मा गर्ने गरेको छ भने सउदी कतारबाट अहिले सँकलन कार्य जारी राखिएको छ ।

उमेश बचाउको लागि चाहिने माफीनामा वापतको रकमको समयसिमा मात्र १२ मे सम्म रहेको छ । त्यस अनुसार मात्र ५ दिन समय बाँकी छ ।