प्रकृति बचाउन विराटनगरको छठ माई पोखरी डीलमा वृक्षारोपण

न्यूज ब्यूरो, विराटनगर । प्रदेश नम्बर १ को राजधानी विराटनगरस्थित रहेको छठ माई पोखरी डीलमा वृक्षारोपण गरिएको छ ।

मँगलबार नेपाल भारत रेल यात्री सहजीकरण समिति, एजुकेशन मेसेज मिडिया प्रा लि र नेपाल भारत सामाजिक सांस्कृतिक मञ्चको संयुक्त आयोजनामा वृक्षारोपण गरिएको हो ।

बिराटनगर वडा नम्बर १६, दरैहियाको छठ माई पोखरीमा वृक्षारोपण, अन्तरकृया तथा सम्मान कार्यक्रम समेत गरिएको हो । समितिका अध्यक्ष राजेश शर्माको अध्यक्षता तथा प्रमुख अतिथि संघीय सांसद योगेन्द्र (जोगी) मण्डलको उपस्थितिमा पोखरी डीलमा वृहत वृक्षारोपण कार्यक्रम गरिएको हो ।

वृक्षारोपणको लागि उपस्थिति जनाएका अतिथिहरुलाई खादा र मायाको चिनो प्रदान गरी सम्मान गरिएको थियो । उक्त कार्यक्रममा विभिन्न जातका दर्जनौं बिरुपा रोपी संरक्षणका लागि घेरा लगाईएको थियो।

कार्यक्रम सफल बनाउन महत्वपूर्ण भूमिका निर्वाह गर्ने समितिका सल्लाहकार महेश साह स्वर्णकार, उपाध्यक्ष पवन साह, सचिव बिकास मण्डल लगायत कार्यक्रममा उपस्थिति जनाएका सहभागीहरुलाई अध्यक्ष शर्माले धन्यवाद दिई कार्यक्रम समापन गरेका थिए ।

कार्यक्रममा विशिष्ट अतिथिहरु पूर्व मन्त्री जयराम यादव, महानगरका उपमेयर शिल्पा निराला कार्की, प्रहरी नायब उपरीक्षक टीका बहादुर कार्की, जनकपुर वन प्राविधिक समाजका महासचिव सुरेश शर्मा, मोरङ जिल्ला वन अधिकृत अनिरुद्ध साह, जोगबनीका चेयरमेन रोहित यादव, अतिथिहरु वडा अध्यक्ष उद्धव भुजेल, वडा सदस्य हरु राजेन्द्र प्र. कामत र राधा तत्मा, सशस्त्र प्रहरी बलका इन्सपेक्टर बुद्ध श्रेष्ठ र एगिन राई, ई.प्र.का. रानी का इन्चार्ज रुपेश थपलिया, वृहत मधेसी नागरिक समाज का अध्यक्ष सूर्यनाथ प्रसाद सिंह, महिला नेतृहरु सदिना खातुन, जैमुन अन्सारी, मन्जु देवी शर्मा, समाजसेवीहरु अशोक मण्डल, श्याम मण्डल, संजिव मण्डल, भरत साह, अमित चौधरी, मदन तत्मा लगायत दर्जनौं समाजसेवीहरु एवं स्थानीय भद्रभलादमीहरुको उपस्थिति रहेको थियो ।