परिक्रमावासीको लागि धनुषामा विशेष सुरक्षा दिन्छौँ : सिडिओ दाहाल

न्यूज ब्यूरो, जनकपुरधाम । धनुषाका प्रमुख जिल्ला अधिकारी (सिडिओ) काशिराज दाहालले माध्यमिकी परिक्रमाका धार्मिक लस्करको लागि धनुषामा विशेष सुरक्षा योजना लागू गरिने बताएका छन् ।

विश्वकै सबभन्दा लामो धार्मिक पदयात्रा मानिएको १५ दिने माध्यमिकी परिक्रमामा सहभागी धार्मिक लस्करलाई सुरक्षाको लागि मोटो सँख्यामा प्रहरी समेत परिचालन गरिएको बताए ।

उनले धनुषाको विभिन्न स्थानमा परिक्रमाका लस्कर, साधुसन्त, श्रद्धालुहरु पुग्नुभन्दा अगाडी नै सुरक्षाको आभाष हुने बताएका छन् । धार्मिक लस्करको सन्दर्भमा सोधिएको एक ज्ञिजासामा सिडिओ दाहालले विभिन्न समयकालिन अवस्थालाई मध्यनगर गर्दै कुनै घटना दुर्घटना हुन नदिनको लागि विशेष सुरक्षा अपनाइएको बताए ।

परिक्रमाको धार्मिक लस्कर १५ दिनमध्ये ६ दिनसम्म धनुषा जिल्लाको विभिन्न स्थानमा विश्राम लिने भएपछि सो क्षेत्रमा विशेष सुरक्षा अपनाइने बताए । उनले सादा पोशाकको प्रहरी समेत धार्मिक लस्करको बीच सुरक्षाको लागि खटाइने बताए ।

विगतको वर्षहरुमा सम्प्रादायिक घटनाको तथ्याँकलाई मध्यनजर गर्दै सिडिओ दाहालले धनुषा प्रहरीलाई विशेष सुरक्षा दिन समन्वय गरिने बताए ।

परिक्रमाको धार्मिक लस्कर धनुषाको धनुषाधाम, सतोषर, औरही, पर्वतासहित जनकपुरधाममा २ दिन गरी ६ दिनसम्म धनुषामा रहने भएको छ । परिक्रमाको क्रममा लुटपाट, चोरी चकारी, दुरव्यवहार, अभद्र व्यवहार हुन नदिनको लागि व्यापक रुपमा प्रहरी परिचालन गरिने सिडिओ दाहालले बताए ।