महोत्तरीको मटिहानी नगरपालिकामा भोली सार्वजनिक विदाको घोषणा

न्यूज ब्यूरो, जनकपुरधाम । महोत्तरी जिल्लाको मटिहानी नगरपालिकाले भोली विहिबार सार्वजनिक विदाको घोषणा गरेको छ ।

मधेशको ऐतिहासिक एवम् विश्वकै सबभन्दा लामो धार्मिक पदयात्रा १५ दिने माध्यमिकी परिक्रमाको धार्मिक लस्कर विहिबार मटिहानी पुग्ने भएपछि एक दिने सार्वजनिक विदा दिने भएको हो ।

मटिहानी नगरपालिकाका मेयर हरि प्रसाद मण्डलले बुधबार एक सूचना जारी गर्दै परिक्रमाको धार्मिक लस्कर विहिबार विहानै मटिहानी पुग्ने भएपछि सरकारी कार्यालयहरु सार्वजनिक विदा दिने भएको छ ।

मटिहानी नगरपालिका अन्तर्गतको कार्यालयहरुमा भोली परिक्रमाको धार्मिक लस्करलाई स्वागतको लागि सार्वजनिक विदा दिएको हो । परिक्रमाको लस्कर चौथो दिन मटिहानी मठ पुग्ने भएको छ ।