उमाप्रेमपुर स्वास्थ्य चौकीद्वारा हात्तीपाइले रोग विरुद्धको औषधी अभियान

न्यूज ब्यूरो, जनकपुरधाम । धनुषाधाम नगरपालिका वडा नं ५ दक्षिणवारि टोल नौसय विघामा आम औषधि सेवन कार्यक्रम तथा सामुदाय स्तरीय परिचायात्मक कार्यक्रम सप्पन्न भएको छ

रास्ट्रीय हात्तीपाईले रोग निवारण कार्यक्रम २०७९ अन्तरगत धनुषामा हात्तीपाइले रोगको प्रकोप बढ्दै गएपछि प्रतिरोधात्मक औषधी घर–घरमा गएर खुवाइने व्यवस्था गरिएको छ ।

फागुन ११ देखि २४ गतेसम्म स्वास्थ्यकर्मीहरू घर–घरमा नै पुगेर ३ वर्ष देखी माथिका सवैजनालाई उचाइ, वजनअनुसार औषधि खुवाइने उमाप्रेमपुर स्वास्थ्य चौकी इन्चार्ज अरुण मण्डलले जनाएको छ ।

स्वास्थ्यकर्मीहरूको अनुसार हात्तीपाइले रोगको इपिडेमियोलोजी समयमा गर्न सकिएन भने यसले भयावह रूप लिन सक्छ । हात्तीपाइले रोगको धेरैजसो सङ्क्रमण लक्षण विनाको हुन्छ भने पछि गएर अङ्ग सुनिने पनि गर्दछ ।

कतिपयमा अण्डकोष, केहीमा खुट्टा, केहीमा हात, केहीमा स्तन र शरीरका अन्य अङ्गहरू सुनिने स्वास्थ्यकर्मीहरूको भनाइ छ । यो सुनिएपछि उपचार समेत कमै हुने पनि धनुषाधाम नगरपालिकाका स्वास्थ्य संयोजक हरिनारायण साहले बताए ।

सो कार्यक्रममा स्थानीय अगुवा ,बुद्धिजीवी ,समाजसेवी लगायत स्थानीयको व्यापक उपस्थिति रहेको थिए । सो कार्यक्रम बजरंग अधारभुत विधालयको सभाहलमा गरिएको थियो ।