जनकपुरः अब मनखपबाट गुठीको जग्गा नीजि बनाउन नपाउने सर्वोच्चको ऐतिहासिक आदेश

न्यूज ब्यूरो, जनकपुरधाम । ऐतिहासिक नगरी जनकपुरधामस्थित रहेको सयौँ विघा गुठीको जग्गा पास गराई व्यक्तिगत नाममा गर्दै आएकोमा सो व्यक्तिगत रुपमा चलाउन नपाउने अदालतले आदेश गरेको छ ।

सर्वोच्च अदालतले जनकपुरका सरोजकुमार नायक सुडी विरुद्ध हर्षनारायण झा भन्ने सिताराम दास मुद्दा मा सर्वोच्च अदालत को पूर्ण पाठमा सरोजकुमार नायकले मनखपबाट प्राप्त गरेको जनकपुरको महावीर हनुमानजीको गुठिको जग्गा मा निर्माण भएको घर, उनले आफ्नो भनि दावी गरि अदालतमा रिट दायर गरेकोमा मनखपको लिखतबाट गुठिको जग्गा निजीकरण गर्न नसकिने फैसला गरेको हो ।

सो जग्गा महावीर हनुमानजीको गुठिको नै रहेको फैसला गरेको छ। यस मुद्धामा निवेदकले विपक्षी हर्षनारायण झा भगवान महावीर हनुमानजी मन्दिरको महन्थ नभएको जिकिर लिएकोमा सर्वोच्च अदालतले हर्षनारायण झा भन्ने सिताराम दास नै महन्त रहेको फैसला पनि गरेको छ।

यस फैसलाले मनखप लिने प्रचलनलाई अन्त्य गरेको छ भने निजि गुठिका जग्गा वा भवनमा भाडा लगाउनु पर्ने भए सम्पूर्ण विवरण खोलि निश्चित समयलाई करारको माध्यमबाट भाडा लगाउने मात्र पाउने भएको छ ।

त्यस्तो कार्य लाई गुठि संस्थान ऐन २०३३ को दफा १९ (क) बमोजिम गुठि संस्थानमा नियमित विवरण पेश गर्नु पर्ने तथा गुठिको जग्गा बिक्रि वितरण गर्न नहुने र उक्त जग्गामा गुठिको उदेश्य अनुरुपको कार्य संचालन हुनु पर्ने साथै यसरी गुठि को भावना र धार्मिक कार्यको उदेश्य अनुरुप प्राप्त हुने बहालबापतको रकम भगवान र श्रद्धालु भक्तजन को सेवामा खर्च गर्नु पर्ने धार्मिक , नैतिक र कानुनी वाध्यता भएको भनि फैसला जारी भएको छ ।

मनखप प्रचलनबाट निजि गुठिको बिचलन गरि निजि सम्पति बनाउने कार्य लाई यसै फैसलाले निषेध गरेको छ।