२० महिनाको कार्यकालपछि सिरहाबाट बिदा भए डिएसपी बुढाथोकी

न्यूज ब्यूरो, सिरहा । जिल्ला प्रहरी कार्यालय सिरहाका डिएसपी सुभाष बुढाथोकीको बिदाई गरिएको छ ।

झण्डै २० महिना जिल्ला प्रहरी कार्यालय सिरहामा कार्य सम्पादन गरेका डिएसपी एवम् जिल्ला प्रहरी कार्यालयका प्रवक्ता समेत रही बुढाथोकीले आईतबार विदाई भएका छन् ।

विदाई कार्यक्रमको आयोजना गरी उनका शुभचिन्तकहरुले उनलाई विदाई गरेको हो । विभिन्न क्षेत्रमा नागरिक समाजका अगुवा, सँचारकर्मी, अधिकारकर्मीहरुले उनलाई शनिबार विदाई गरेको हो ।

सिरहा जिल्लाको २० महिने कार्यकालमा कुशल कार्य सम्पादन गरेको तथा मिडियालाई सहज रुपमा सूचना उपलब्ध गराउन अहम भूमिका खेलेको भन्दै सँचारकर्मीहरुले समेत उनलाई आगामी कार्यकालको बधाई दिँदै विदाई गरेको हो ।