शहिद हेमनारायणको हत्यारालाई कानुनी दायरामा ल्याउः नेतृ यादव 

न्यूज ब्यूरो, जनकपुरधाम । मधेश प्रदेशका कृषि मन्त्री ई. बसन्त कुशवाहाले अर्को छलाँग लगाएका छन् । किसानहरुको लागि कृषि मन्त्री कुशवाहाले प्रत्येक वडामै मल उद्योग सँचालनको व्यवस्था गर्ने गरी योजना ल्याएका छन् । 

मधेश प्रदेशको ८ वटै जिल्लामा रहेको १२७० वडामै साना उद्योग सँचालन गरी रसायनिक मललाई विस्थापन गर्दै उर्वराशक्ति बढाउने मल उद्योगा सँचालन गर्ने भएको छ । 

जर्मनी देशको एक सँस्था वेल्ट हँगर लाईफले जैविक प्रविधिबाट आर्गेनिक मलखाद, कम्पोस्ट मल, झोल मल आदि उत्पादन गर्न प्रस्ताव ल्याएको हो । 

यस परियोजना मार्फत सबै वडाहरुमा जैविक प्रविधिको साना उद्योग संचालन हुने छ। यस उद्योगबाट भएका उत्पादनले रसायनिक मललाई विस्थापन गर्ने छ र जमीनको उर्वरा शक्ति बढ़ाउने जनाईएको छ । 

परियोजनाको दातृ संस्थाले जमीन र यसमा प्रयोग हुने शेड बाहेक उद्योग संचालनका लागी आवश्यक सम्पूर्ण सामान, मशीन, प्रविधि, प्रशिक्षण आदि उपलब्ध गराउने कृषि मन्त्री कुशवाहाले जानकारी दिए ।

मन्त्री कुशवाहाले उद्योगका लागी ईच्छुक व्यक्ति, समूह वा संस्थाहरुले चैत्र २५ गते भित्र आफूले संचालन गर्न चाहेको वडा नम्बर सहित सचिवालयमा सम्पर्क गर्न आग्रह समेत गरे । 

यो परियोजना सँचालन भएपछि अब मधेशका किसानहरुले रसायनिक मलको भर पर्नुनपर्ने भएको छ । आफ्नो वडामै उद्योग भएपछि चाहिने जति जैविक मल लिएर खेतीपाती गरी उर्वराशक्ति समेत बढाउन सक्ने जनाइएको छ ।

उनले सचिवालयमा सम्पर्क गर्न निम्न सम्पर्क नम्बरहरु उपलब्ध गराएका छन् । 

ई. बसन्त कुशवाहा - निजी सचिवालय

सन्त साह: +977 9817619069

प्रमोद ईशर: +977 9816339495

अर्जुन कुशवाहा: +977 9811297460