सप्तरीदेखि वीरगँजसम्म बन्न लागेको सडकको नाम शहिद हेमनारायण राख्नुपर्छः अध्यक्ष यादव

न्यूज ब्यूरो, सिरहा । नेकपा एमालेका जिल्ला कमिटि सदस्य एवम् अनेरास्वीयूका जिल्ला ईन्चार्ज दिनेश यादवले शहिद हेमनारायण यादवको नाममा राष्ट्रिय सडक बन्नुपर्ने बताएका छन् ।

शहिद हेमनारायण यादवको १९औँ स्मृति दिवस दिवसको अवसरमा बोल्दै नेता यादवले १८ बर्ष वितिसक्दा पनि शहिद हेमनारायण यादवको हत्यारालाई पत्ता लगाउन नसकेकोप्रति दुख व्यक्त गरे ।

शहिद हेमनारायण यादवको हत्याराको लागि एमाले पार्टीले एजेन्डा बनाएर कानुनी दायरामा ल्याउनुपर्ने बताए । उनले हेमनारायणको हत्याको छानबिनको माग उठाए ।

नेता यादवले शहिद हेमनारायणको नामका अहिलेसम्म कुनै पनि योजना नभएकोले उनको नामको एउटा राष्ट्रिय गौरवको योजना हुनुपर्ने धारणा राखे ।

उनले शहिद हेमनारायणको नाममा अहिले निर्माण हुन लागेको हुलाकीसडक सँगैको सप्तरीदेखि वीरगँजसम्मको सडकलाई हेमनारायणको नाममा हुनुपर्ने बताए ।

बिहिवार उनको जन्मथलो सिरहामा स्मृति दिवस मनाईएको हो । सिरहा सदरमुकाम सिरहास्थित हेम नारायण चोकमा रहेको शहिद यादवको सालिकमा माल्यापर्ण गरी स्मृति दिवस मनाइएको हो ।

२०६० माघ १९ गते हत्या भएको यादवलाई सरकारले तीन वर्षपछि सहिद घोषणा गरेको थियो ।

नेकपा एमाले सिरहा जिल्ला कमिटीको आयोजनामा भएको स्मृति सभामा सहिद यादवको सालिकमा सिरहा नगरपालिकाका मेयर समेत रहेका सहिद यादवका ज्येष्ठ सुपुत्र डा. नविन कुमार यादवलगायत जिल्लाभरका एमाले नेता तथा निर्वाचित जनप्रतिनिधिहरुले माल्यापर्ण गरी श्रद्धाञ्जली दिएका थिए ।