जनकपुरधाममा सुरक्षा व्यवस्था चुस्त

सुरेन्द्र सिंह ||
जनकपुरधाम, २१ बैशाख । आगामी वैशाख २८ गते भारतीय प्रधानमन्त्री नरेन्द्र मोदीको जनकपुरधाम भ्रमणमा आउने तय भय लगत्तै जनकपुरधाम साथै आसपासका सुरक्षा व्यवस्था अत्यन्तै कडा गरिएको छ ।

प्रम मोदीको सुरक्षा व्यवस्थालाई ध्यानमा लिई जनकपुरमा प्रबेश गर्ने साथै बाहिरिने साना तथा ठुला सम्पूर्ण गाडीमा पूर्ण रुपले चेकजाच भइरहेको ट्राफिक प्रहरी तेज प्रशाद शिवाकोटीले जानकारी दिए ।

प्रम मोदी जनकपुरधाम आउने भएकाले पनि सुरक्षा निकाय थप चनाखो हुनुपर्ने अवस्था रहेको गृहका एक अधिकारीले बताए ।

भारतीय प्रधानमन्त्रीको भ्रमणमा धेरै सुरक्षा चुनौती रहेको भन्दै गृहले २ साताअघिदेखि तयारी थालेको हो ।

प्रहरीले नेपाल आउने विदेशीहरुमाथि निगरानी सुरु गरिसकेको छ। स्रोतका अनुसार शंकास्पद विदेशीहरुको सूची अध्यागमन विभागबाट लिएर उनीहरुमाथि निगरानी सुरु गर्न प्रहरीलाई निर्देशन दिइएको छ।

त्यस्तै, भारतसँगका नाकामा पनि सुरक्षा व्यवस्था कडा बनाइएको छ ।