कमला नदीको संरक्षण हाम्रो कर्तव्य होः सँयोजक यादव

न्यूज ब्यूरो, जनकपुरधाम । कमला बचाउ अभियानका सँयोजक विक्रम यादवले कमला नदी संरक्षण सबैको कर्तव्य भएको बताएका छन् ।

जोखिम मुल्यांकन समुदायमा आधारित बाढी पुर्वसुचना प्रणालीका लागि कमला नदी क्षेत्रमा सम्भाव्यता अध्ययन सम्बन्धि अन्तरक्रिया कार्यक्रममा बोल्दै उनले कमला नदीको पौराणिक इतिहास समेत कायम राख्नको लागि संरक्षणको आवश्यकता रहेको बताए ।

उनले कमला जलाधारलाई संरक्षण भएन भने मानव सभ्यताको बिकास नदी नाला त्यही किनारबाट भएको बताए ।

मत्स्य मानव संशाधन विकास तथा प्रविधि परिक्षण केन्द्र तालिम हल जनकपुरधाममा सिमोडको आर्थिक सहयोग, सामुदायिक बिकास तथा पैरवी मञ्चको सहकार्य, द स्मल अर्थ नेपालको प्राबिधिक सहयोग,कमला बचाउ अभियानको समन्वयमा भएको कार्यक्रममा सरोकारवालाहरु संग कमला नदी क्षेत्रमा सम्भाव्यता अध्ययन सम्बन्धि गहन छलफल भएको छ ।

सामुदायिक बिकास तथा पैरवी मञ्च बर्दिवासका अध्यक्ष नागदेव यादवले विकास साझेदार संस्थाहरू तथा स्थानीय सरकारसँग समन्वय र सहकार्य गर्दै चुरे संरक्षण, संवर्धन, नदी प्रणाली व्यवस्थापन, वन तथा वन्यजन्तु संरक्षण, बगरमा फलफूल खेती गरी बगैंचा र तरकारी खेती प्रवर्धन गर्दै आएको छ।

स्थानीय समुदायको सशक्तीकरण र सहभागितामा सञ्चालन गरिएका संरक्षण र व्यवस्थापनका कार्यहरू जलवायु अनुकूलित र वातावरणमैत्री भएकाले प्रमाणमा आधारित सूचना र माग भएका सामग्री प्रस्तुत गर्न सफल भएको संस्थाका अध्यक्ष यादवले बताए ।

सो संस्थाले मुख्य रूपमा चुरे क्षेत्रमा भइरहेको भूक्षय तथा पहिरो नियन्त्रण गर्ने, जलाधार पोखरीहरू संरक्षण गर्ने, नदी प्रणाली व्यवस्थापन गर्ने तथा तराईका समथर नदी उकास बगर क्षेत्रहरूलाई फलफूल बगैंचा तथा तरकारी खेतीमा विकास गरी विपन्न र भूमिहीनहरूलाई तत्काल र दीर्घकालीन आय आम्दानीको स्रोतसँग जोड्नेलगायत काम गर्दै आएको उनले थपे ।

नागदेव यादको अध्यक्षता एवम प्रमुख अतिथिमा जिल्ला प्रशासन कार्यालय धनुषाका निमित्त प्रमुख जिल्ला अधिकारी अनुज भण्डारी , बिशिष्ठ कमला नदीका डिइ बिष्णुदेव यादव, कमला बचाउ अभियानका संयोजक बिक्रम यादव बिशिष्ठ अतिथि गणेशमान चारनाथ नगरपालिकाका नगर प्रमुख जितनारायण यादव , सबैला नगरपालिकाका नगर प्रमुख कारिराम यादव,कमला,नगरपालिकाका नगर प्रमुख बिशेश्वर यादव विभिन्न वडाका वडा अध्यक्ष,विभिन्न निकायका प्रमुख कमला अभियानी, पत्रकार लगायतको सहभागीता रहेको थियो ।