धनुषाको शसस्त्र प्रहरी बिओपी महिनाथपुर 'उत्कृष्ट बिओपी' मा छनौट

न्यूज ब्यूरो, जनकपुरधाम । मधेश प्रदेशको धनुषा जिल्लास्थित शसस्त्र प्रहरीको बिओपी महिनाथपुरलाई उत्कृष्ट बिओपीको उपाधी दिइएको छ ।

२२ औँ सशस्त्र प्रहरी दिवसको अवसरमा बिओपी महिनाथपुरलाई नम्बर २ छिनमस्ता बाहिनी मातहतको उत्कृष्ट बिओपीको रुपमा प्रशँसा दिएको छ ।

विभिन्न समयमा लागुऔषध नियन्त्रण, अवैद्य तस्करी नियन्त्रण, न्यून विवादित बिओपी भन्दै महिनाथपुर बिओपीलाई छिनमस्ता बाहिनी अन्तर्गतको उत्कृष्ट बिओपीको रुपमा छनौट गरिएको हो ।

२२ औँ सशस्त्र प्रहरी दिवसको अवसरमा मधेश प्रदेशका डिआईजी गणेश ठाडा मगरले बिओपी प्रमुख ईन्सपेक्टर गणेश पाण्डेलाई प्रशँसा पत्र प्रदान गर्दै सम्मान गरे ।

सो क्षेत्रको बोर्डरमा हुने अवैद्य गतिविधिलाई नियन्त्रण गर्न गरेको प्रयासलाई मध्यनजर गर्दै ईन्सपेक्टर पाण्डेलाई प्रशँसा समेत गरिएको हो ।

सो अवसरमा ईन्सपेक्टर पाण्डेले सो बिओपीमा काम गरेका भूतपूर्व सशस्त्र प्रहरी कर्मचारी, प्रहरी अधिकृत, प्रहरी जवान लगायत सम्पूर्ण कर्मचारीमा आभार प्रकट गरेका छन् ।