जनकपुरः सिडिओ अफिसमा दलाली गर्ने दलाल ठाकुर पक्राउ

न्यूज ब्यूरो, जनकपुरधाम । जिल्ला प्रशासन कार्यालय धनुषाबाट एक दलाललाई प्रहरीले पक्राउ गरेको छ ।

जिल्ला प्रशासन कार्यालय धनुषामा नागरिकता, राहदानी (पासपोर्ट) बनाउन आउने सेवाग्राहीहरुलाई कर्मचारीहरुसँग आफ्नो चिनजान रहेको र काम छिटो छरितो गराईदिने प्रलोभनमा पारी सेवाग्राहीबाट रकम असुल्ने एक दलाललाई प्रहरीले पक्राउ गरेको हो ।

सेवाग्राहीहरुसँग २ देखि ३ हजार रुपैयाँसम्म माग गरी गरी बिचौलियाको काम गरिरहेको गोप्य सुचनाको अधारमा जिल्ला प्रहरी कार्यालय धनुषाबाट खटेको टोलीले जनकपुरको कपिलेश्वर बस्ने बर्ष ३९ को दिपक ठाकुरलाई पक्राउ गरेको हो ।

मँगलबार अपरान्ह ४ बजेको समयमा ठाकुरलाई सेवा ग्राहीसंग रकम पन्ध्र सय रुपैयाँ लिदै गरेको अवस्थामा सिडिओ कार्यालयको अगाडीबाट पक्राउ गरेको हो । उनलाई प्रहरीले पक्राउ गरी अनुसन्धान प्रक्रिया अगाडी बढाएको छ ।