कोशी अस्पतालमा जिउँदै बच्चालाई मृत घोषित, प्रश्न गर्दा मेसु यादवले गरे पत्रकारमाथि हातपात

न्यूज ब्यूरो, विराटनगर । उपचारको लागि अस्पताल गएका एक जिउँदै बच्चालाई चिकित्सकले मृत घोषित गरेपछि बबाल भएको छ ।

प्रदेश नम्बर १ को राजधानी विराटनगरस्थित रहेको कोशी अस्पतालमा उपचारको लागि लगिएको एक १८ दिनको बच्चालाई जिउँदैमा मृत घोषित गरेको र गुनासो गर्दा पत्रकारमाथि हातपात गरेको आरोप लगाएका छन् ।

अस्पतालका मेडिकल सुपिरिटेन्डेन्ट लक्ष्मीनारायण यादवले पत्रकार सोनु दासमाथि हातपात गरेको आरोप पत्रकार दासले लगाएका छन् । उनले त्यसको तस्विर समेत समाजिक सँजालमा हालेका छन् ।

जिउँदै बच्चालाई मृत घोषणा गरेको भनेर आक्रोसित परिवारजनले मेसु यादवलाई गुनासो गर्न गएका थिए , तर उपचार गर्ने मेसु यादवकै आफन्त डाक्टर रहेको भन्दै हातपात गरेको हो ।

१८ दिनको जिउँदै बच्चालाई मृत घोषित गर्दा बच्चाको अन्तिम सँस्कारको लागि लग्दै गर्दा बच्चा बाटोमै रोएको थियो । रोएपछि तत्कालै विराटनगरस्थित गोल्डेन अस्पतालमा एनआईसीयूमा राखेर उपचार भईरहेको छ ।

यही सन्दर्भमा पत्रकार दासले कुन आधारमा जिउँदै बच्चालाई मृत घोषणा गर्नुभयो ? भनेर प्रश्न गर्दा मेसु यादवले पत्रकार दासलाई हातपात गरेका थिए ।

जहाँ जनमत पार्टीले अस्पतालको अवस्था सुधारको लागि गुनासो बक्स राख्दै गएका छन् भने विराटनगरस्थित सरकारी अस्पताल कोशी अस्पतालमा यस्ता प्रवृतिका मेडिकल सुपरिटेन्डेन्टलाई कारवाहीको माग समेत गरिएको छ ।