धनुषाः रघुनाथपुरको ईन्टरनेश्नल चिल्ड्रेन स्कूलमा आजदेखि खेल सप्ताह सुरु

न्यूज ब्यूरो, जनकपुरधाम । धनुषाको सबैला नगरपालिका वडा नम्बर १२ रघुनाथपुरस्थित रहेको ईन्टरनेश्नल चिल्ड्रेन ईङगलिस बोर्डिङग स्कूलमा आजदेखि खेल सप्ताह सुरु भएको छ ।

२२ औँ बार्षिकोत्सवको अवसरमा सोमबारदेखि खेल सप्ताह सुरु भएको हो । प्रत्येक वर्ष विभिन्न कार्यक्रम र खेल सप्ताह मनाउँदै वार्षिकोत्सव मनाउँदै आएका सो विद्यालयले यसपाली पनि खेल सप्ताह सुरु गरेको हो ।

विद्यालयका सँस्थापक सुरेन्द्र साहको अध्यक्षता एवम् सबैला नगरपालिकाकी उपेयर रहिमा खातुनको प्रमुख आतिथ्यमा आईतबार खेल सप्ताहको उदघाटन गरिएको थियो । विधिवत रुपमा आजदेखि सुरु भएको हो ।

करिब ४०० बालबालिका अध्ययनरत सो विद्यालयमा अतिरिक्त क्रियाकलापमा अधिक लगानी गर्ने गरेको बताईएको छ । बालबालिकाहरुलाई अतिरिक्त क्रियाकलाप मार्फत शिक्षा प्रदान गरिरहेको दाबी सँचालकको रहेको छ ।

उदघाटन कार्यक्रममा वडा नम्बर १२ का वडाध्यक्ष रामनारायण अधिकारी, वडा नं. ९ का वडाध्यक्ष मनिष राय अमात विशिष्ट अतिथिको रुपमा उपस्थिति जनाएका थिए ।

सो उदघाटन समारोहमा प्याब्सन सबैला नगर कमिटीका अध्यक्ष खुसिलाल महतोले विद्यालयको प्रगतिको कामनासहित बालबालिकाहरुको उत्तम शिक्षाको अपेक्षा गरे । कार्यक्रममा बालबालिकाका अभिभावकहरुलाई अतिथिको रुपमा सहभागी गराईएको थियो ।

एक हप्तासम्म चल्ने खेलकूद सप्ताहमा विद्यालयका विभिन्न कक्षाको विद्यार्थीहरुले भाग लिने भएको छ । विजेताहरुसहित विद्यार्थीहरुलाई मेडल, कप, प्रमाणपत्रसहित सम्मान समेत गरिने विद्यालयका प्रिन्सीपल दिगम्बर महतोले बताए ।