पत्रकार यादवको मोसा चोरी गरी भाग्दै गर्दा जनकपुरमै तीन चोर रँगेहात पक्राउ

न्यूज ब्यूरो, जनकपुरधाम । न्यूजब्यूरोकर्मी पत्रकार विनय कुमार यादवको मोटरसाईकल (मोसा) चोरी गरी भाग्दै गर्दा प्रहरीले तीन जनालाई रँगेहात पक्राउ गरेको छ ।

शनिबार विहान ५ बजेको समयमा जनकपुरधाम उपमहानगरपालिका वडा नं. १४ मुजेलियास्थितबाट तीन जना चोर मोटरसाईकलसहित पक्राउ परेका छन् ।

पत्रकार यादवको धनुषाधाम नगरपालिका वडा नम्बर ५ नौसयविघा टोलस्थित घरबाटै मोटरसाईकल चोरी गरी भाग्दै गर्दा तीन चोर मोटरसाईकलसहित रँगेहात पक्राउ परेका छन् ।

पत्रकार यादव ले धनुषाधामस्थित सँचालन गरेको रेडियो धनुषाधामको कार्यालयमा सुतिरहेको बेला उनको घरमा पार्किँग गरि राखिएको लु ४१ प ४३९५ नम्बरको डिस्कोभर मोटरसाईकल चोरी गरी भाग्दै गर्दा पक्राउ परेका छन् ।

जिल्ला प्रहरी कार्यालय धनुषाको गस्ती टोली र मुजेलिया प्रहरी चौकीले शँका लागेर चेकजाँच गर्दा उनीहरु पक्राउ परेको जिल्ला प्रहरी कार्यालय धनुषाका प्रहरी प्रवक्ता डिएसपी प्रदीप बहादुर क्षेत्रीले जानकारी दिए ।

पक्राउ पर्नेहरुमा जनकपुरधाम उपमहानगरपालिका वडा नम्बर २१ बस्ने बर्ष २३ को मँजय यादव, जनकपुरधाम उपमहानगरपालिका वडा नम्बर १४ बस्ने बर्ष २७ को राजु यादव र वडा नं. १३ बस्ने बर्ष ३४ को विरु महरा रहेको छ ।

तीनै जनालाई प्रहरीले मोटरसाईकल सहित नियन्त्रणमा लिएर अनुसन्धान प्रक्रिया अगाडी बढाएको हो ।